Europa League starton sonte me fazën më të nxehtë të këtij kompeticioni që cilësohet edhe si kupa e dytë me e rëndësishme e kontinentit.
4 sfida të ekuilibruara me dy skuadra italiane ende në lojë, Juventus dhe Roma por edhe me një favorit. Manchester United. Bardhezinjtë e Masimiliano Allegrit sfidojnë në Lisbonë Sportingun pasi kaluan me sukses Fraiburgun. Ndeshje me shumë pengesa për skuadrën torineze që Championsin kërkon ta arrijë edhe nëpërmjet Europa League e ky nuk është një mision i pamundur.
Ndërkohë Roma përsërit finalen e Conference League kundër Feynoord. Shorti i vendosi sërish përballë dy kundërshtarët që në dekadën e fundit janë ndeshur tre herë dhe do të sfidojnë njëri tjetrin edhe dy të tjera, duke filluar që nga dita e sotme në “De Kuip”.
Disi më i avantazhuar në këtë fazë është Bayer Leverkusen që ka pëshkuar kundfërshtarin më të kehtë të mundshëm, belgët e Union St.Gilloise që mund të konsiderohen edhe si supriza e këtij sezoni. Skuadra nga një lagje e Brukselit vetëm dy sezone më parë luante në ligën e dytë belge por pasi flirtoi me titullin kampion që e humbi në javët e fundit, tashmë kërkon të shkruajë historinë në Europë.
Sfidë zjarri do të jetë edhe ajo me Manchester United dhe Sevilla-s. Rekordmenët e këtij kompeticioni sfidojnë “Djajtë e kuq” në “Old Trafford”. Duel pa favoritë të dukshëm edhe pse skuadra e Erik ten Hag i ka të gjitha mjetet dhe forcat për t’ia dalë mbanë në këtë fazë.
