Kampionati Europian 2032 pritet të ketë bashkëorganizatorë, Italinë dhe Turqinë. Dy vendet, pas një takimi që u zhvillua në Romë ditët e fundit midis presidentit të FIGC Gabriele Gravina dhe homologut të tij turk, vendosën të ndajnë edicionin, duke ndjekur një logjikë që po fiton gjithnjë e më shumë terren në botën e futbollit ndërkombëtar (shiko Botërorin e radhës të caktuar Kanada-SHBA-Meksikë).
Shkurtimisht, po shkojmë drejt një edicioni të ri të përbashkët siç ka ndodhur tashmë në ato të mëparshme Belgjikë-Holandë në 2000, Austri-Zvicër në 2008 dhe Poloni-Ukrainë në 2012. Pa përmendur Kampionatin Europian udhëtues në 2020, i cili më pas u shty me një vit për shkak të Covid.
Në tetor do të jetë vendimi i UEFA-s. Megjithatë, disa enigma mbeten të lidhura me distancën midis dy vendeve dhe implikimet politike. Turqia ka stadiume të gatshme, Italia ka garancinë e qeverisë se do të ristrukturohen apo ndërtohen nga e para. Inaugurimi do të bëhet në stadiumin Ataturk në Stamboll ndërsa finalja do të jetë në Romë në Olimpico.
FIGC kishte paraqitur dosjen e saj në UEFA më 12 prill, e cila parashikonte 10 stadiume protagonistë të ngjarjes (Milano, Torino, Verona, Genoa, Bolonja, Firence, Roma, Napoli, Bari dhe Cagliari). Tani, megjithatë, do të merren parasysh vetëm 6.