Trajneri i Tiranës, Erbim Fagu, foli për MCN TV, pas kualifikimit në gjysmëfinalen e Kupës ndaj Teutës. Fagu deklaroi se është i lumtur që ekipi nuk u dorëzua deri në momentin e fundit. Sipas tij, fitorja do e ndihmojë skuadrën nga ana psikologjike.
“Më tepër i lumtur jam për lojtarët, që nuk u dorëzuan deri në momentin e fundit. Kam besim të plotë te këta lojtarë. Shpresoj që kjo fitore të na kalojë nga ngërçi psikologjik që kemi pasur.
Nesër do jemi më të qartë sa i përket dëmtimeve të sotme. Nikqi është lojtar i lirë dhe me vlera. Jaku, Tola, i bëjnë punë skuadrës. Më aktivizimin e tyre, niveli i lojës sonë ishte edhe më i mirë.
Futbolli i tillë është. Ky kualifikim do na ndihmojë nga ana psikologjike. Kemi dy ndeshje para ndalesës së kombëtareve dhe mendoj se do të marrim maksimumin.”