Kuqeblutë e Vllaznisë vazhdojnë rrugën e suksesit në kampionat. 9 fitore në 11 ndeshje të kampionatit të Superiores nuk kanë nevojë për koment.
Tre pikëshi i marrë sot ndaj Dinamos në transfertë është festuar në fushë menjëherënë fushën e lojës pas vërshëllimës përfundimtare të arbitrit kryesor Kreshnik Cjapi, ndërkohë që në dhomat e zhveshjes ka pasur një tjetër festë.
Si zakonisht pas fitoreve skuadra, futbollistë, staf teknik dhe drejtues pozojnë me enuziasmin e marrjes së tre pikëshit të radhës. Por, këtë radhë, krahas brohoritjeve për fitoren ndaj Dinamos, ka pasur edhe brohoritje tjetër në formë mesazhi për ndeshjen e së shtunës me Tiranën.
“Radhën e ka Tirana”,…pasditja e së shtunës, zjarr në “Loro Boriçi” për të sfiduar edhe bardheblutë!
