Vllaznia, kampionia e Shqipërisë në futboll për femra është me fat. Mes 43 skuadrave pjesëmarrëse të ndara në 11 grupe, për Vllazninë që në bazë të koefiçentit renditej e 12-ta në vazon e parë, shorti për Ligën e Kampioneve të Europës i hedhur mesditën e sotme në Nion të Zvicrës ka përcaktuar që skuadra kuqeblu të kalojë turin e parë direk pa pasur nevojë të ndeshet fare me kundërshtar.
Sipas formulës së UEFA-s, Vllaznia e kualifikuar direct në turirin pasardhës është në pritje të ndeshet me fituesen e çiftit mes kampioneve të Polonisë dhe Hungarisë. Përballjet e grupit në Ligën e Kampioneve, Vllaznia do t’i luajë në
Poloni.
Në komunikimin që Veriu Sport pati me presidentin eVllaznisë në futboll femra, Lazër Matija, ai u shpreh i kënaqur me verdiktin e shortit. Sipas tij, skuadra kuqeblu që ai financon me sukses prej vitesh është e përgatitur dhe shumë e motivuar që në këtë pjesëmarrje europiane, Vllaznia të ecë sa më shumë në turet përkatëse.
Falë nivelit dhe cilësisë së shfaqur në fushën e lojës, Vllaznia e Shkodrës tashmë nuk është vetëm një skuadër absolute në kampionatin shqiptar teksa ka fituar plot tetë herë radhazi titullin kampion të Shqipërisë, porn ë të njëjtën kohë nuk është e panjohur edhe në arenën ndërkombëtare. Kujtojnë se sezonet e fundit europiane, skuadra kuqeblu arriti të futej në 32 skuadrat më të mira të Europës, çka është arritja më e madhe e një skuadre shqiptare në pjesëmarrjet e kompeticionit europian. Arritje këto që pritet të përsëriten edhe në këtë edicion, madje, pse jo për të shkuar edhe më tej.
