Thursday, February 22, 2024

Futboll Kategoria e Parë-Java e 15-të, luhet në dy ditë. Bylisi kryesues, pret Luzin e vendit të fundit

Lexo

Java e 15-të e Kampionatit Kombëtar të futbollit të kategorisë së parë do të luhet në dy ditë. Sipas sektorit të garave në Federatën Shqiptare të Futbollit, ato fillojnë të dielën e datës 10 dhjetor me katër takime dhe mbyllen të hënën me dy ndeshjet e fundit.

Të gjitha ndeshjet do të luhen në orën 13:30, teksa në program janë duele mjaft interesante dhe të luftuara,ku spikasin duelet në Vorë dhe në Fier. Apolonia do të presë Elbasanin, një takim mjaft i luftuar dhe interesant me dy ekipet që kërkojnë vetëm 3 pikët për të mbajtur hapin e Bylisit.

Vora dhe Flamurtari është sfida tjetër që zgjon interes, ku vlonjatët synojnë vazhdimësinë, ndërsa ekipi i drejtuar nga Klodian Arbëri tenton rikthimin te fitorja. Një tjetër përballje do të jetë Kastrioti-Tomori. Të dyja ekipet prej më shumë se 5 javësh nuk e njohin fitoren dhe synojnë 3 pikët për të shkelmuar krizën.

Kryesuesit e Bylis do të presin në shtëpi Luzin e vendit të fundit, ndërsa Lushnja do të presë Burrelin, teksa Korabi do të udhëtojë në Kavajë për të sfiduar Besën.

Fatos Lamaj

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img