Futbolli i moshave në këtë fillim viti të ri 2021 i është përkushtuar tërësisht kompeticionit të Kupës së Shqipërisë. Fundjavën e kaluar u luajtën ndeshjet e turit të parë, ku nga ekipet e rajonit të Shkodrës, figurën më të mirë sportive e bënë Akademia Vllaznia dhe KF Shkodra, ekipet e të cilëve U-17 dhe U-19 u kualifikuan për në turin e dytë. Ndërkohë, një objektiv të tillë nuk arriten ta realizonin ekipet e tjera, si AAS, FC Djelmnia Shkodrane 2017, FC Scutari, që megjithë përpjekjet e tyre i humbën duelet e turit të parë, respektivisht me ekipet e Teutës, Internacional Tirana dhe Brians.
Pas përcaktimit të ekipeve kualifikuese, Federata Shqiptare e Futbollit ka gati formulën e ballafaqimit në turin e dytë të 1/8 finale. Gjithnjë sipas grafikut të publikuar nga FSHF, takimet në fjalë të turit të dytë startojnë nesër me datë 14 janar 2020 dhe do të vijojnë deri të dielen e 17 janarit.
Ekipet e Akademisë Vllaznia do t’i luajnë ndeshjet e turit të dytë nesër në kompleksin Internacional në Pezë Helmës. Të parët që do të ballafaqohen në fushën e lojës janë 17 vjeçarët duke sfiduar Partizanin, në një duel rivalësh tradicional, jo vetëm me ekipet e para, por edhe për moshat që do të startojë në orën 10.00. Ndërsa, Vllaznia U-19 do të luajë dy orë më pas, në 12.00 duke pasur përballë ekipin e Akademisë së Futbollit Tirana. Gjithnjë sipas kalendarit të FSHF-së, dy ekipet e tjera shkodrane, KF Shkodra U-17 dhe U-19, ndeshjet e tyre do t’i luajnë të shtunën e 16 janarit duke u përballur me Akademinë e Futbollit Tirana për U-17 si dhe me Dinamon për U-19.
Datat dhe oraret e ҫifteve të turit të dytë:
U-17
Skëndërbeu-Shënkolli / 17.01.2021 / 10:00 / Pezë Fusha 1 (C1)
Pepa-Studenti / 16.01.2021 / 10:00 / Pezë Fusha 2 (C2)
Teuta-Brians / 17.01.2021 / 10:00 / Pezë Fusha 2 (C3)
Vora-Internacional / 15.01.2021 / 10:00 / Pezë Fusha 1 (C4)
Apolonia-Tirana / 15.01.2021 / 10:00 / Pezë Fusha 2 (C5)
Ak.Futbollit-Shkodra / 16.01.2021 / 10:00 / Pezë Fusha 1 (C6)
Partizani-Vllaznia / 14.01.2021 / 10:00 / Pezë Fusha 1 (C7)
Laberia-Laci / 14.01.2021 / 10:00 / Pezë Fusha 2 (C8)
U-19
Akademia Futbollit-Vllaznia / 14.01.2021 / 12:00 / Pezë Fusha 1 (C1)
Apolonia-Shënkolli / 17.01.2021 / 12:00 / Pezë Fusha 1 (C2)
Flamurtari-Shkëndija Tiranës / 16.01.2021 / 12:00 / Pezë Fusha 2 (C3)
Besa-Laҫi / 14.01.2021 / 12:00 / Pezë Fusha 2 (C4)
Football Republic-Tirana / 15.01.2021 / 12:00 / Pezë Fusha 2 (C5)
Teuta-Partizani / 17.01.2021 / 12:00 / Pezë Fusha 2 (C6)
Dinamo-Shkodra / 16.01.2021 / 12:00 / Pezë Fusha 1 (C7)
Shkëndija Durrës -Internacional / 15.01.2021 / 12:00 / Pezë Fusha 1 (C8)
Skema e turit të tretë për U-17 dhe U-19:
C8 – C1
C7 – C2
C6 – C3
C5 – C4
