I grumbulluar nga Spanja për miqësoret e radhës përballë Kolumbisë dhe Brazilit, Pablo Sarabia ka treguar qartë se “La Roja” nuk pranon të konsiderohet si favorite për të fituar Grupin B në Euro 2024. Siç dihet, përveç “furive të kuqe”, në këtë grup bëjnë pjesë edhe Italia, Kroacia dhe Shqipëria.
“Këto lloj etiketash nuk ndihmojnë, në fakt ato vetëm sa përfundojnë duke të dobësuar. Ne duhet të përqendrohemi në çdo ndeshje në kohën e duhur. Do të luhet në vende të ndryshme dhe është një gjë e bukur, që të pasuron shumë. Kemi kundështarë të vështirë në grup”, pohoi sulmuesi i Vulverhemptonit.
