Golat e Aralicës dhe Hoxhajt, ngrohin Brdariç-fokusi tek Laçi në fundjavë

Lexo

Asambleja e Shoqatës Rajonale të Futbollit Fier zgjedh për kryetar, Ilias Haxhirajn

Ilias Haxhiraj, është kryetari i ri i Shoqatës Rajonale të Futbollit Fier. Haxhija mori votat e duhura në punimet...

Brdariç, me “dhimbje koke” për sfidën e së dieles me Kastriotin

Vllazninë e pret një ndeshje jo pak e vështirë të dielen në transferten krutane. Një sfidë ku të dyja...

Vllaznia më e mira e Kampionatit Dimëror të Atletikës: 12 medalje individuale, dhe Franko Burraj sportisti më i mirë i aktivitetit

12 medalje, 5 të arta, 5 argjenda, 2 të broxta, si dhe Franko Burraj, sportisti më i mirë i...

Nëse për Aralicën, kroatin shtatlartë të Vllaznisë, sinjalet u dhanë që në javën e parë të kampionatit, për Ardit Hoxhajn duhej pritir për disa javë. Pasi la pas dëmtimin, vlonjati iu rikthye zanatit të tij, shënimit të golave. Dy të tillë ia shënoi Kastriotit të shtunën e kalaur për javën e nëntë të Superiores, ku së bashku me atë të Aralicës i dhanë fitoren kuqebluve.  Ky është një lajm shumë i mirë teknikun Brdariç, i cili tashmë ndjehet mjaft i ngrohtë me vijën e parë, aty ku në javët e fundit pati pak shterpësi të tundjeve të rrjetave kundërshtare.

Pa lënë mënjanë vlerat e Aralicës, e rëndësishme për Brdariç është rikthimi me gol i Hoxhajt. Njëshi i pankinës kuqeblu, Thomas Brdariç u shpreh i lumtur për zhbllokimin e lojtarit të tij nga i cili pret golat që mund të bëjnë diferencën në ndeshjet vendimtare të sezonit. Vllaznia është fuqia e dytë e kampionatit përsa i përket forcës sulmuese me 17 realizime në 9 javë dhe ekujlibri e vazhdimësia në fazën e avancuar mund ta transformojnë në një rrezik për Tiranën këtë skuadër që duket se po has ende probleme për të gjetur asetin e duhur mes mbrojtjes, mesfushës e sulmit, kjo edhe për shkak të ndryshimeve të mëdha që klubi bëri në merkaton e verës.

Tashmë, vëmendja shkon te Laçi, një rival aspak komod për shkodranët gjatë viteve të fundit edhe pse debutimi sezonal në fushën kurbinase rezultoi një festë golash për kuqeblutë. Trajneri Brdariç e di mirë që kjo do të jetë një sfidë ndryshe dhe një gjë të tillë e ka paralajmëruar edhe vetë gjermano-kroati i Vllaznisë, i cili është shprehur optimist që seria e fitoreve të Vllaznisë do të vijojë edhe në ndeshjen e kësaj fundjave me Laçin, por edhe në të tjerat në vazhdim.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -