Duke folur për pragndeshjen, Vllaznia-Flamurtari, takim ky që do të luhet të enjten në stadiumin “Loro Boriçi” në orën 13:45 në kuadër të Turin çerekfinal të Kupës së Shqipërisë, mesfushori Arsid Kruja, vlerëson kundërshtarin, por shpreh bindjen se Vllaznia kalon në gjysëmfinale.
Nesër përballë Flamurtarit, fitorja e ndeshjes së parë në transfertë 1-2 e bën më të lehtë kualifikimin në gjysëmfinale?
Normalisht, si çdo ndeshje tjetër, ne e marrim seriozisht, dhe besoj se në këtë sezon nuk ka asnjë ndeshje të lehtë. Skuadra e Flamurtarit ka në ekip lojtarë cilësorë, ne do të bëjmë maksimumin dh eta marrim shumë seriozisht në mënyrë që të kalojmë në raundin tjetër.
Kapiteni vlonjat, Andi Ribaj është shprehur se kualifikimi është 50 me 50!
Deklaratën e tij ne e vlerësojmë. Meqë ai është shprehur se do të jetë 50 me 50, por ne besojmë se do të kalojmë në raundin tjetër dhe shkojmë në gjysëmfinale. Por, kjo ndeshje duhet marrë seriozisht dhe duhet vlerësuar në maksimum.
Do të ketë ndryshime tek Vllaznia nesër?
Besoj se do të ketë disa ndryshime të vogla, por kushdo që të aktivizohet, unë e kam thënë edhe më përpara që Vllaznia ka dy formacione dhe do të bëjë më të mirët e vet.
Është Kupa në objektivin e Vllaznisë këtë edicion?
Jo vetem sivjet, por e pamë edhe viktin e shkuar që fituam Kupën dhe arritëm të futemi në Kupat e Europës. Besoj se është njëri nga objektivat kryesorë, fitimi i Kupës së Shqipërisë.
Ndërkohë, distanca me kryesuesen Tiranë është pak e madhe, shpresoni për titull?
Me thënë të drejtën unë nuk mund ta quaj pak të madhe, pasi përderisa matematika ta lejon, shanset janë të pranishme. Edhe vitin e kaluar ne ishim 12 pikë para dhe na iku kampionati, por duke I marrë ndeshjet seriozisht dhe duke dhënë maksimumin, besoj se çdo gjë mund të arrihet.
Ndërkohë, në aspektin personal, sa herë ju ka kërkuar trajneri, keni qënë i gatshëm për skuadrën. Jeni i kënaqur për paraqitjet tuaja?
I kënaqur! Nuk mund të them se jam i kënaqur, pasi më shuëm i kam shërbyer ekipit aty ku ka pasë nevojë. Në çdo pozicion që trajneri ka pasë nevojë dhe do të jem i gatshëm për Vllazninë. Por, do të kisha mundur të bëjë edhe më mirë, por gjithësesi të shikojmë vazhdimësinë.
