Ekipet shkodrane të futbollit për femra kanë shpërthyer që në javën e parë të Kampionatit Kombëtar të futbollit duke arritur fitore të pastra. Vllaznia kampione e drejtuar nga trajnerët Nikolin Leka dhe Arben Parmeza, menjëherë pas kualifikimit në turin e dytë të Ligës së Kampioneve të Europës ishte mysafire në qytetin e Lushnjes, aty ku mundi me rezultat të thëllë 0 me 9 ekipin vendas me të nëjtin emër. Për skuadrën kuqeblu, protogoniste në shënimin e golave kanë qënë, Megi Doçi dhe Zylfije Bajramaj, të cilat shënuan nga 4 gola secila, si dhe Vuksani me 1 gol. Një fitore të thellë në shifrat 6 me 0 ka regjistruar edhe AAS, e cila në këtë javë të parë ka pritur në shtëpi Bilisht Sport. Ndeshja e luajtur në Kompleksin Sportiv “Hasaj” është dominuar plotësisht nga futbollistet e AAS-së që këtë sezon drejtohen trajnerët Ditmir Rakaj dhe Donald Ujka. Për ngjyrat e AAS kanë spikatur Reshiti dhe Ndoci me nga dy gola të shënuar secila, ndërkohë që dy golat e tjerë janë shënuar nga Sufaj dhe Shuto.
Skuadra e tretë shkodrane që mori fitore në këtë javë të parë të kampionatit është Juban Danja, e cila këtë sezon drejtohet nga trajneri Elis Legata dhe Paula Jaku. Vajzat e Jubanit, startin e kampionatit e paten në shtëpi duke u ballafaquar në kompleksin sportiv “Zmijani” me Teuten e Durrësit ku shënuan tre herë në portën mike. Dy gola mbajnë firmen e të zakonshmes Paula Jaku dhe një të Tanushajt, ndërkohë që goli për mikeshat nga Durrësi kishte për autore sulmuesen Habili. Falë golaverazhit më të mirë me plus 9 dhe 6 gola, pas javës së parë tabelen e klasikimit e kryesojnë Vllaznia dhe AAS.
Gaspër MARKU
