Në orën 15:00 kanë startuar dy takimet të vlefshme për javën e 22-të në Kategorinë e Parë. Apolonia pret Burrelin, ndërsa në Kavajë Luzi pret Lushnjen.
Apolonia do të presë Burrelin, pas humbjes me Skënderbeun. Ndërsa miqtë vijnë në këtë përballje pas barazimit pa gola me Besëlidhjen. Nga ana tjetër Luzi do të presë Lushnjën, teksa të dyja ekipet vijnë me moralin lart pas fitoreve në javën e 21-të përkatësisht ndaj Tomorit dhe Besës.
Sot skuadrat do të kërkojnë me patjetër tre pikët pasi janë javët e fundit dhe diferencat në renditje janë të pakta. Fierakët renditen në vendin e 7-të me dy pikë larg zbritjes në zonën e ftohtë ndërsa Burreli në vendin e 9-të. Luzi ndodhet në vendin e 8-të me një pikë më shumë se Lushnja që ndodhet në vendin e 10-të.
