Ndeshja Vllaznia-Tirana, e cila do të luhet pasditen e sotme në stadiumin “Loro Boriçi” duke filluar nga ora 18:00, ka marrë vemendjen e policisë së shtetit. Në kuadrin e masave organizative të marra për këtë ndeshje, para, gjatë zhvillimit të saj dhe pas ndeshjes, gjatë orëve të fundit është vendosur edhe bllokimi I disa rrugëve që të çojnë drejt stadiumit “Loro Boriçi”, ndërkohë që bëhet me dije, që për t’i ardhur në ndihmë tifozëve, dyet e stadiumit do të happen dy orë përpara filli8mit të ndeshjes. Një gjë të tillë, KF Vllaznia e ka bërë edhe përmes një komunikate zyrtare, në të cilën thuhet:
“NJOFTIM ME RËNDËSI
Në kuadrin e masave të shtuara që janë ndërmarrë nga policia e shtetit për ndeshjen e sotme Vllaznia- Tirana, që konsistojnë në bllokimin e rrugëve kryesore, kontrollet e shtuara nga grupet e sigurisë për mbarëvajtjen e ndeshje, bëjmë të ditur se për të eliminuar dyndjet e tifozëve, ju bëjmë me dije se dyert e stadiumit “Loro Boriçi” do të hapen dy orë përpara fillimit të ndeshjes, pra duke nisur nga ora 16.00.
Eja edhe Ti!
Forca Vllaznia!”