Trepça-Drenica njëra prej përballjeve më të rëndësishme të javës së 18-të do të luhet ditën e premte, në stadiumin “Sami Kelmendi” Lipjan. Dy skuadra me traditë të futbollit kosovar që kanë në krye të tyre dy trajnerë të njohur, Edi Martini dhe Arsim Thaçi, të cilët do të kërkojnë të marrin pikët e plota në këtë ndeshje.
Mediat kosovare i kanë bërë jehonë të madhe këtij dueli, pasi është shumë i rëndëisshëm për skuadrën që shkon në Superligë.
Drenica udhëton në Mitrovicë si kryesuese e grupit A me tre pikë më shumë sesa Trepça e vendit të dytë, e cila do të këmbëngulë për të marrë fitoren që do ta barazonte me pikë me Drenicen.
Krahas duelit të dy trajnerëve të spikatur, Edi Martini(Trepça) dhe Arsim Thaçi(Drenica”, mediat vendase i kanë bërë jehonë edhe një fakti tjetër, përballjes së dy shkodranëve në kampet kundërshtarë, ku Antonio Marku i Drenices do të luajë përballë ish trajnerit të tij te Vllaznia dhe Teuta, Edi Martini.
Një tjetër përballje shkodranësh në kampionatin kosovar ishte edhe të dielën e kaluar, mes Albi Shpuzës së Mitrovicës dhe Antonio Markut të Drenicës, takim që përfundoi në barazim 1 me 1.
Dueli i javës së 18-të të Raiffisen Liga e Parë Kosovë, Grupi A, KF Trepça-KF Drenica, luhet të premten duke filluar nga ora 14:00, dhe transmetohet në kanalin televiziv ArtSport.