Kupa e Botës-Fitorja e katërt për Norvegjinë. Fitojnë edhe Belgjika dhe Kroacia

Norvegjia nuk gabon ndaj Estonisë dhe arrin fitoren e katërt nga katër ndeshjet kualifikuese të Kupës së Botës 2026, duke mbetur 9 pikë përpara Italisë me dy ndeshje më pak të zhvilluara. Në Talin, vendasit goditën traversën dhe shtyllën, të dyja në pjesën e dytë.

Lojtari që vendosi ndeshjen ishte Erling Haaland, i cili e çoi topin në rrjetë në minutën e 62-të. Vendasit këmbëngulën, por nuk arritën të gjejnë golin e barazimit dhe Norvegjia feston. Është në kuotën e  12 pikëve, +9 ndaj Italisë dhe me një diferencë golash që rritet, megjithëse minimalisht.

Në ndeshjet e tjera kualifikuese Belgjika më në fund gjen një arsye për të buzëqeshur. Pasi shpërdoroi një epërsi prej tre golash dhe u barazua nga Uellsi, formacioni belg arriti të sigurojë në fundnjë fitore 4-3 në Bruksel. De Bruyne ishte vendimtar në minutën e 88-të. Fitorja e parë për Rudi Garcia në Grupin J, në një ndeshje në të cilën shënoi edhe Lukaku.

Kroacia dominon Republikën Çeke 5-1 në Grupin L: gol me penallti dhe asist nga Modric.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu