Wednesday, May 29, 2024

Kupa e Shqipërisë 2023-2024/ Të mërkurën luhen takimet e dyta gjysmëfinale: Vllaznia-Egnatia dhe Tirana-Kukësi. Që të dy sfidat luhen në orën 18:00

Lexo

Të mërkurën do të luhen takimet e dyta gjysmëfinale të Kupës së Shqipërisë, ku do të përcaktohet edhe finalja e madhe e këtij kompeticioni.

Tirana – Kukësi dhe Vllaznia – Egnatia, të dyja ndeshjet do të startojnë në orën 18:00. Në “Air Albana” bardheblutë do të kërkojnë që të bëjnë mrekullin, pasi do të tentojnë të përmbysin gjithçka për të shkuar në finalen e madhe të Kupës së Shqipërisë. Në anën tjetër verilindorët vijnë të qetë në këtë sfidë pas fitores në takimin e parë 2-0. Kukësi do të synojë të mbrojë rezultatin për të siguruar kualifikimin në finale.

Në stadiumin “Loro Boriçi” do të zhvillohet sfida tjetër gjysmëfinale. Egnatia vjen e avantazhuar në këtë ndeshje, pas triumfit në sfidën e parë në “Arena Egnatia” me rezultatin minimal 1-0, ndërsa kuqeblutë kanë si synim përmbysjen për të shkuar në finalen e madhe të Kupës së Shqipërisë.

Trofeu i Kupës së Shqipërisë është mjaft i rëndësishëm për këto ekipe, pasi u jep mundësinë të luajnë në kualifikueset e Conference League.

Takimet e dyta gjysmëfinale të Kupës së Shqipërisë do të transmetohen live në kanalet MCN & MCN 24.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img