Shqipëria siguroi një sukses fantastik këtë vit, nën drejtimin e brazilianit Sylvinho. Kombëtarja për herë të dytë në histori u kualifikua në finalet e një Europiani. Por jo vetëm kaq, këtë edicion kualifikues kuqezinjtë bindën me lojë dhe rezultat, duke u renditur në vendin e parë dhe duke dominuar ndaj çdo kundërshtari në Grupin E.
Pavarsisht këtij momenti të mirë, disa prej futbollistëve janë në skadencë kontrate me klubet respektive, dhe ndoshta merkato e janarit mund të sjellë ndryshime. Sokol Cikalleshi, goleadori i Kombëtares i përfundon kontrata me Konyaspor në muajin qershor dhe klubi turk ende nuk i ka ofruar një rinovim kontrate.
33-vjeçari ndoshta mund të qendrojë deri në fund, pasi dëshiron të jetë pjesë e Europianit që do tëzhvillohet në Gjermani. Mesfushori i Espanjol, Keidi Bare tani mund të negociojë me skuadra të tjera, pasi kontrata i përfundon më 30 qershor.
Klubi spanjoll po diskuton për zgjatjen e kontratës edhe për një sezon, por ende nuk ka një akord mes tyre. Situatë e njëjtë edhe për Etrit Berishën. 79 ndeshje me kuqezinjtë nuk janë pak dhe në Europian porta pritet ti besohet 34-vjeçarit.
Në muajin gusht, Berisha zgjodhi Empolin për të marrë minuta, por në dy ndeshjet e fundit gardiani shqiptar ka humbur vendin e titullarit e ndoshta mund të kemi një lëvizje surprizë nga ana e tij.
Në vitin e fundit të marrëveshjes me Gwanzhu ka hyrë edhe Jasir Asani. Sulmuesi i krahut ka një kontratë me koreano-jugorët deri në dhjetor të këtij viti, teksa oferat për të nuk kanë munguar, duke nisur nga skuadrat spanjolle.