Thursday, February 22, 2024

Maroku, leksion Belgjikës. Dy golat e Sabiri dhe Aboukhlal i japin fitoren dhe kreun e grupit F

Lexo

Belgjikë-Marok  0-2(Shënues: Sabiri 73′, Abuklal 90’+2′)

Surpriza e radhës në botërorin, “Katar 2022” është Maroku. Pas Kosta Rikës që mundi Japoninë, e cila më herët kishte mundur Gjermaninë, është Maroku që ka sfiduar Belgjikën, kombëtarja e të cilit ka qënë jo pak e kuotuar si pretendente për të fituar botërorin. Por, në sfidën ndaj Marokut, belgët nuk kanë arritur të shfaqen në imazhin e tyre të vertetë. Kjo, edhe për meritë të afrikano-veriorëve, të cilët kanë dhuruar spektakël, teksa i kanë shënuar dy gola Belgjikës, fitore kjo që i ka dhënë vendin e parë në grupin F.

Golat do të vinin vetëm në pjesën e dytë të sfidës, me Sabirin i cili mposhti Kurtua pas një goditje dënimi mjeshtërore e në fund edhe me Abuklal i cili finalizoi një kundërsulm perfekt të ekipit të tij.

Maroku fiton dhe me shumë meritë zgjeron listën e surprizave dhe arrin katër pikë pasi barazoi me Kroacinë dhe mposhti favoritët e grupit. Për sa i përket Belgjikës, rreziku është që mundësia e ardhshme do të jetë gjithashtu e fundit e një brezi të ardhshëm që nuk është më futurist dhe ka çdo pamje të bëhet një gjë e së kaluarës.

Kjo ishte fitorja e tretë e Marokut nëKupës së Botës, nga 18 ndeshje të luajtura në këtë kompeticion; suksesi i mëparshëm daton në 23 qershor 1998, kundër Skocisë (3-0).

Kjo ishte humbja e parë e Belgjikes në një ndeshje të Kupës së Botës kundër një skuadre afrikane, pasi më herët ka fituar tre dhe një barazim në ato ndeshje, të gjitha në fazën e grupeve.

Kjo është hera e pestë që Maroku shënon të paktën dy gola në një ndeshje të Kupës së Botës, të gjitha kundër skuadrave evropiane.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img