Mbrëmja e sotme e 27 gushtit 2026, do të mbetet një kujtim i veçantë për djemtë e rinj të rritur në AF Vllaznia.
Pas mesfushorit sulmues Sabion Bizi, i cili firmos kontratën e parë zyrtare me kuqeblutë, vjen firma tjetër zyrtare me KF Vllaznia.
Këtë radhë me Erigestino Pepnikaj, një tjetër talent kuqeblu, djaloshin shtatlartë që i përket repartit të mbrojtjes.
Futbollist ky, që përpos që ka spikatjes në radhët e AF Vllaznia, ka qënë i tillë edhe me ekipet kombëtare të moshave duke u konsideruar si një nga talentet e së ardhmes të futbollit shkodran dhe më gjërë.
“Erigestino Pepnikaj, një tjetër djalë i dalë nga zinxhiri i Akademisë Vllaznia, firmos kontratën e tij me klubin kuqeblu.
Rrugëtimi nga Akademia te ekipi i zemrës vazhdon me punë, përkushtim dhe krenari.
Suksese Erigestino! ”, shkruhet në njoftimin zyrtar të KF Vllaznia.
Gaspër MARKU
