Mirel Josa është zyrtarisht trajneri më i ri i Vëllaznimit duke zëvendësuar ish trajnerin e mëparshëm Leotrim Krasniqi, me të cilin klubi kosovar ndërpreu bashkëpunimin. Pas aventurës së fundit në Kavajë ku drejtoi Besën, Mirel Josa rinis gjithçka në Kategorinë e Parë në Kosovë. Pjesë e kësaj skuadre është edhe futbollisti shkodran, Ëlliam Cungu, mesfushori që ishte pjesë e Vllaznisë U21 si dhe ekipit të parë, por që mungesë hapësire në fushën e lojës u transferua në Gjakovë
Më heret, tekniku ka drejtuar Tiranën, Skënderbeun, Vllazninë në Superiore si dhe Besën e Kavajes në kategorinë e parë. Rikthimi në Kosovë, vjen pas një përvoje të mëparshme me Prishtinën, ndërkohë që tashmë do të drejtojë KF Vëllaznimin.
Njofti zyrtar i KF Vëllaznimit
Mirësevjen Mirel Josa!
Me kënaqësi ju njoftojmë që KF Vëllaznimi ka arritur marrëveshje me Trajnerin e mirënjohur Mirel Josa.
Josa nga sot e ka filluar detyren e shefit të shtabit teknik në klubin Kuqezi dhe përgatitjet për sezonën pranverore.
Mirel Josa një emër i njohur në futbollin mbarëshqiptar, me një përvojë të jashtëzakonshme dhe një vizion të qartë për të vazhduar me KF Vëllaznimin.
Mirel Josa:
5x Kampion i Shqipërisë
2x Fitues i Kupës së Shqipërisë
2x Fitues i Superkupës së Shqipërisë
1x Fitues i Kupës së Kosovës
Klubet e mëparshme: KF Tirana, FC Skënderbeu, KF Vllaznia dhe FC Prishtina
