I papritur ishte largimi i trajnerit Skerdi Bejzade nga skuadra e Erzenit. Për shkak të rezultateve negative shijkasit kanë larguar trajnerin,pasi ndodhen në vendin e 9-të me 26 pikë dhe rrezikojnë mbijetesën në Superiore.
Në këtë mënyrë ish-timonieri i kurbinasve do të zëvendësojë kështu Bejzaden te klubi shijakas. Ironia e fatit, pasi vlen të theksohet se Mirel Josa zëvendësoi Bejzaden edhe te skuadra e Laçit, teksa tashmë do e zëvendësojë edhe te Erzeni.
Vetëm pak ditë më parë nga skuadra e Laçit u largua Mirel Josa. Pikërisht ky i fundit nuk ka humbur kohë dhe ka gjetur skuadrën e re. Sipas mediave bëhet me dije se Josa do të drejtojë Erzenin, me palët që kanë arritur marëveshjen mes tyre. Madje, bëhet e ditur se Mirel Josa do të jetë në krye të Erzenit që ditën e nesërme, kur shijakasit janë mysafirë në “Loro Boriçi” për t’u ndeshur me Vllaznisë në kuadër të çerekfinales së dytë të Kupës së Shqipërisë.
Fatos LAMAJ