Pasi përfunduan angazhimin e tyre në Champions League me një fitore ndaj PSV-së, tashmë është koha që Juventusi të mendojë për kampionatin dhe kundërshtarin e radhës: Napolin e Antonio Contes.
Një sfidë ndryshe nga të tjerat për tifozët e Juventusit, ndërsa Thiago Motta, pas dy barazimeve pa gola radhazi, dëshiron të fitojë sërish.
“Ne përballemi me një ekip të madh të ndërtuar për të fituar titullin – komentoi trajneri i Juventusit në konferencë -, por ne duam të rritemi dhe do të mundohemi për të imponuar lojën tonë. Conte? Marrëdhënie fantastike, por nuk është një sfidë mes meje dhe tij”.