Është vetëm 13 vjeçe, por falë cilësive që disponon, por edhe rezultateve të larta që ajo vazhdon të regjistrojë nga gara në garë, Viki Tafrruku ka marrë vemendjen e madhe të specialistëve të notit shqiptar, të cilët e konsiderojnë atë si një super talent dhe një të ardhme të padiskutueshme të notit shqiptar.
E tillë ishte Viki edhe në garat e fundit të vlefshme për Kampionatin Kombëtar të notit për të rinj dhe të rritur. E shoqëruar nga trajneri i saj Kolë Shiroka, me të cilin stërvitet prej dy-tre vitesh, edhe pse mosha e saj 13 vjeçare e lejon të konkuroj edhe për dy vite të tjera në këtë kategori moshe, Viki të kon firmonte pjesëmarrjen e saj në kampionatin e një moshe më të madhe, për të rinj dhe të rritur duke u përfaqësuar në 4 disiplina duke merituar dy vende të para, një të dytë dhe një të tretë.
Konkretisht, sipas kalendarit të garave, rezultatet e Viki Tafrrukut, janë këto:
- Vend të parë për të reja dhe të rritura në 50 m stil shpinë
- Vend të parë për të reja dhe të dytë për të rritura në 400 meter stil i lirë
- Vend i dytë për të reja në 100 m stil i lirë
- Vend të tretë për të reja dhe të rritura në 50 meter stil i lirë
( Pamje nga garat e Kampionatit Kombëtar të Notit për të Rinj dhe të Rritur. Shkëlqen 13 vjeçarja e Vllaznisë, Viki Tafrruku, me dy vende të para, një të dytë dhe një të tretë)
Gaspër MARKU
