Partizani ka bërë një lëvizje të rëndësishme në merkato. Të kuqtë, kanë afruar mbrojtësin Bozo Mikuliç.
27-vjeçari kroat, është qendërmbrojtës i mirfilltë teksa i bashkohet “demave” nga radhët e skuadrës letoneze të Auda, si lojtar i lirë.
Vlen të theksohet fakti se Mikuliç gjatë karrierës së tij ka qenë pjesë e Mesinës në Itali si dhe dy klubeve të rëndësishme në futbollit kroat si Hajduk Split dhe Slaven Belupo.
Qendërmbrojtësi gjithashtu numëron edhe 16 paraqitje me kombëtaren U-19 të Kroacisë. Duket se dëmtimet e shumta në prapavijë, kanë detyruar drejtuesit e kuq, që të ndërhyjnë për të blinduar qendrën e mbrojtjes.
