Vllaznia dhe Egnatia do të përballen të dielën ora 20:00 në stadiu7min “Air Albania” në kuadrin ne gjysmëfinales së parë të ”Final 4”. Gjatë bnjë prononcimi për “Panorama Sport”, “Mjeshtri i Madh” i futbollit shkodran e shqiptar, e sheh të hapur kalimin e Vllaznisë në finalen e titullit.
Ai e vlerëson maksimalisht Egnatian, kundërshtarin e gjysmëfinales, por beson te forca e grupit të kuqebluve dhe ajo çfarë Brdariç do të ofrojë në këtë takim. Sfidën e së dielës në “Air Albania” Zmijani e shikon si një lojë strategjish të dy trajnerëve dhe në këtë drejtim ai ka edhe ndonjë këshillë për Brdariç në intervistën ekskluzive për “Panorama Sport”.
“Për mua është short i vështirë. E kam thënë edhe më përpara që Egnatia është nga ekipet më të forta në Shqipëri. Sigurisht, Vllaznia di të bëj surpriza dhe me ato surprizat e bukura ka shkuar deri këtu. Shumë herë kam thënë se lojërat nuk i ka bërë nga më të mirat, por rezultatet i ka pasur, prandaj jemi këtu.”, shprehet Zmijani.
Ndërkohë, i pyetur, se kë shikoni më lart nga këto skuadra, Zmijani, përgjigjet: “Duke parë elementet që ka, por edhe lojën që ka zhvilluar, jap një plus më shumë për Egnatian. Megjithatë, Vllaznia ka treguar në këtë sezon se është e barabartë me këtë kundërshtar, ka bërë lojëra të bukura, duke na surprizuar. Kam besim se Vllaznia do të jetë në turin tjetër.”