Në kampin kuqeblu i kanë kushtuar një rëndësi shumë të madhe organizimit për të mbushur tribunat e stadiumit “Air Albania” në mbështetje të Vllaznisë për fitimin e trofeut të Kupës së Shqipërisë. Ndërkohë, që duket se e njëjta vemendje është treguar edhe në kampin kurbinas, pasi lajmet që dalin nga klubi i Laçit bëjnë të ditur se Klubi dhe bashkia Kurbin kanë përpiluar një plan organizativ për tifozët, ku janë vendosur 10 autobusë falas që do të udhëtojnë në mënyrë të organizuar drejt kryeqytetit.
Sa i takon aspektit sportiv, trajneri Duro është i qetë sepse e ka të plotë grupin për duelin me Vllazninë. Në mështetje të skuadrës për një fitore të mundshme ka qënë edhe grumbullimi tre ditor që skudra kurbinase ka pasur këto ditë në kryeqytet, aty ku është stervitur pranë kompleksit sportiv, Internacional.
