Në kampin kuqeblu ka pasur probleme me infermierinë, pasi tre futbollistë, portjeri Kristi Qarri, kapiteni Ersin Hakaj dhe sulmuesi Ildi Gruda kanë vijuar të zhvillojnë stërvitje të diferencuar.
Dëmtimet e pësuara në sfidën e parë të transfertes së Belfastit ndaj skuadrës vendase Linfield kanë shqetësuar jo pak Qarrin, i cili me shumë vështirësi arriti të të qëndrojë në fushën e lojës deri në mbyllje të ndeshjes. Ndërkohë, po si rezultat i dëmtimit, kapiteni Hakaj la më herët fushën e lojës pa përfunduar ndeshja.
Ndërsa, për sulmuesin Ildi Gruda, shqetësimi ka ardhur nga një helmim një ditë përpara ndeshjes, ku edhe pse ishte pjesë e skuadrës në Belfast, stafi mjekëson e la jashtë listës së protokollit të ndeshjes.
Treshja në fjalë, Qarri, Hakaj dhe Gruda, po ndiqet me vemendje nga stafi mjekësor, ku si rezultat i terapisë intensive pritet që të tre të jenë të gatshëm për ndeshjen e së enjtes, Vllaznia-Lifield.
