0 me 1 për Vllazninë ka përfunduar pjesa e parë ndeshjes, Kukësi-Vllaznia, takim ky që po luhet nga ora 13:00 në stadiumin “Kukës Arena”.
Vllaznia, në fakt është parë të sulmojë me forca të dendura që në nisje të ndeshjes në kërkim të golit të avantazhit. Kanë qënë disa momente presioni në portën kundërshtare, ku vetëm ndërhyrjet vendimtare të portjerit Tafas kanë evituar golin në portën vendase.
Megjithëatë, Tafas është dorëzuar në minutën e 41-të, atëherë mbrojtësi i majtë Ersin Hakaj i ardhur në mbështetje të sulmit, ka lëshuar një të djathtë e tij në hyrje të zonës kuksiane, e cila ka përfunduar direkt në rrjetë.
Një avantazh i merituar ky për skuadrën kuqeblu, me të cilin ka mbyllur edhe 45 minutat e para të ndeshjes me rezultatin 0-1.
