Ekipet shqiptare: Vllaznia, Partizani, Deçiç dhe Prishtina, do të jenë sot në fushë për ndeshjet e para europiane të turit kualifikues.
Të parët që nisin betejen e tyre në Ligën e Konferencave janë të kuqtë e drejtuar nga trajneri Skënder Gega, të cilët do të përballen me ekipin e Nomme Kalju të Estonisë, me ndeshjen që nis në ora 18:45.
Po, për Ligën e Konferencave, në orën 20:00, Vllaznia e drejtuar nga trajneri Edi Martini, do të përballet me ekipin letonez të BFC Daugavpils, ndeshje e cila luhet në stadiumin “Elbasan Arena”.
Në të njëjtën orë, 20:00, në Tuz të Malit të Zi, ekipit vendas Deçiç pret Sileks, ndeshje e vlefshm e për Ligën e Konferencave, e cila do të luhet në stadium tashmë me emrin e ri, “Besa”.
Në ndryshim nga Vllaznia, Partizani, Deçiç që luajnë për llogari të Ligës së Konferencave, skuadra tjetër shqiptare, Prishtina, luan në Ligën e Europës duke udhëtuar në Turqi, ku do të ndeshet prej orës 19:00 me Sherif Tiraspol.
LIGA E KONFERENCËS
Ora 18:45 Nome Kalju-Partizani
Ora 20:00 Vllaznia-Daugavpils
Ora 20:00 Deçiç – Sileks
LIGA E EUROPËS
Ora 19:00 Sherif Tiraspol-Prishtina
