Kombëtaja e Shqipërisë luan sot në transfertë ndaj Andorrës ndeshjen e parë e eliminatoreve të Botërorit “Katar 2022”. Kuqezinjtë tanë kanë zhvilluar të mërkurën pasdite seancën zyrtare stërvitore në stadiumin “Estadi Nacional” të Andorrës, aty ku sot zhvillohet ndeshja zyrtare. Nën drejtimin e trajnerit Edi Reja skuadra ka bërë një seancë të plotë stërvitore që është fokusuar më shumë në aspektin taktik të ndeshjes. Pozitive është gatishmëria e të gjithë lojtarëve që Reja ka në dispozicion në prag të kësaj ndeshje takimit duke mos pasur asnjë mungesë për shkak të dëmtimi. Një lajm i mirë për kuqezinjtë tanë është edhe ajo se kombëtarja dhe i gjithë delegacioni sportiv shqiptar i janë nënshtruar testeve me tamponë dhe të gjithë kanë rezultuar negativë. Takimi, Andorra-Shqipëri i vlefshëm për eliminatoret e Botërorit “Katar 2022” starton sot në ora 20:45 dhe transmetohet drejtpërdrejtë nga RTSH.