Sunday, August 31, 2025

Tetova: Dëmtimi i Ndreces na prishi punë, por skuadra luajti mirë sot!

Lexo

Prononcimi i trajnerit Edlir Tetova, pas ndeshjes, Egnatia- Bredablik(1-0)

“E prisja të vështirë, duke parë edhe largimin e Ndrecës, ishim të detyruar të fusnin Selmanin mbrojtës linje. Na u prishën ekulibrat, nuk e kishim përgatitur ndeshjen kështu. Pjesën e dytë ishim superiorë, ishim përpara portës. Jam i kënaqur nga rezultati.

Jam i kënaqur nga afrimet e verës, janë lojtarë që ishin në listën time. Akoma nuk janë në ritmin e skuadrës, por sot bënë shumë mirë.

Nuk kam informacion shumë të saktë për Ndrecën, por mendoj këmba e vjetër, po ai dëmtim që ka pasur.

Nuk mendoi se ndikoi euforia. Na u prish një plan, por kishim planin B. Për momentin nuk kishim zëvendësues për Ndrecën. E kemi marrë mbrojtësin, por nuk është në këtë turn për çështje dokumentash.

I vetmi shqetësimi është rritmi i kundërshtarëve. Në transfertë do të jetë një ndeshje më e kujdesshme. Egnatia e menaxhoi shumë mirë, goditëm traversën. Gjithçka ngelët e hapur në ndeshjen tjetër.

Nuk po themi që Poçi është blerja më e goditur. Lojtarët i zgjedh në bazë të karakteristiva. Me kalimin e kohës do të jetë më pranë grupit do të bëjë ndeshje më të mira.

Kundërshtarin e kishim studiuar, kishim menduar për të bërë markim 1 kundër 1. Nuk ishin surprizë, me përjashtim të pjesës së parë që zbriti me 2 numra 6. Pjesa tjetër ishte siç e kishim planifikuar.

Do të veçoja dy skuadrat e Islandës, për ritmin. Sivjet është grupi më i plotë, vjet kishim grup më të dobët. Duhet të fokusohemi tek ndeshja tjetër. Do të ketë ndonjë ndryshim në ndeshjen tjetër, do të jemi të arnuar në krahun e majtë”, u shpreh Tetova.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img