Ashtu siç ishte programnuar më herët, pasditen e sotme, Teuta dhe Vllanzia do të luajnë një ndeshje miqësore. Ballafaqimi në fjalë do të luhet në stadiumin “Niko Dovana” duke nisur nga ora 18:00 dhe konsiderohet mjaft i rëndësishëm për të kampet respektive.
Që të dy trajnerët kundërshtarë, De Longo dhe Migen Memelli, janë debutues në pankinat e skuadrave të tyre për sezonin e ri futbollistik. Në fakt, për Memellin, shija e debutimit në ndeshje zyrtare ka qënë disi më herët kur drejtoi Vllazninë në dy ndeshjet europiane të Conference League kundër verioirlandezëve të Linfield të Belfastit, ndërkohë për homologun e tij, italianin De Longo, debutimi i parë zyrtar në stolin e Teutës do të jetë me datë 19 gusht për javën e parë të kampionatit.
Ndonëse në projektin e kuqebluve ka edhe një miqësore tjetër për t’u luajtur, ku pas anulimit me Kukësin është propozuar Tirana, miqësorja e sotme me Teutën në transfertë është vlerësuar nga ana e stafit tenik si më kryesorja. Tekniku Memelli pritet ta nise ndeshjen me formacionin e tij më të mirë, atë që që ka ideuar të nxjerrë në fushë në javën e parë të Superiores përlallë Kukësit që do të jetë mysafir në “Loro Boriçi”.
I vetmi shqetësim që ka preokopuar Memellin ka qënë mungesa e Hakajt për arsye dëmtimi, i cili nuk ishte në fushë për dy miqësoret e fundit me Laçin dhe Otrant, por ditët e fundit, kapiteni është bashkuar me skuadrën në stërvitje, por nuk dihet saktësisht, nëse do të jetë në fushë sot për miqësoren me durrsakët.