Ndonëse i ka akoma të freskëta kujtimet me Shkodrën dhe Shqipërinë, ku përpos një trofeu siç ishte Kupa e Shqipërisë, si dhe rezultateve të tjera pozitive, duke e bërë atë trajnerin më të mirë të vitit, ish trajnerit kuqeblu, Thomas Brdariç do t’i duhet të udhëtojë shumë larg, në Indi, për të vaszhduar karrieren sportive.
Në fakt, emri i tij u lakua shumë për një akord me të kuqtë e Partizanit,apo edhe ndonjë skuadër tjetër shqiptare, përfshirë edhe ato të kampionatit kosovar, por realiteti flet ndryshe. Tashmë, ai është zyrtarisht, pjesë e kampionatit Indian, një përvojë krejt e re kjo për të. Janë plot 6,632 km larg njëra-tjetrës, ose thënë ndryshe një udhëtim me avion prej plot 14 orësh e 10 minutash, nga Evropa Juglindore, deri në skajin jugor të nënkontinentit Indian për të drejtuar dy herë kampionen e Superligës së Indisë, FC Çenaijin..
Kjo është metamorfoza që po përjeton ish-trajneri i Vllaznisë, Tomas Brdariç, që ka ndërruar jo vetëm skuadër, por edhe kontinent në zgjedhjen e tij për të vijuar karrierën. Ish-futbollisti i përfaqësueses gjermane ka nënshkruar ditët e fundit me
Ai zëvendëson ish-lojtarin e përfaqësueses së Indisë, Sajed Sabir Pasha, i cili shërbeu si trajneri i përkohshëm pas shkarkimit në mesin e sezonit të shkuar të Bozhidar Bandoviçit për shkak të rezultateve të dobëta.
Nga sa mësohet, në Indi, Thomas Brdariç do të udhëtojë së bashku me djalin e tij, Tim Brdariç, futbollist ky që një sezon më parë ishte pjesë e Vllaznisë, ku aktivizimet më të shumta i kishte me skuadrën e 21 vjeçarëve.
47-vjeçari Brdariç, i cili ka drejtuar një numër klubesh në nivelet e ulëta në Gjermani, e udhëhoqi Vllazninë drejt vendit të dytë në kampionat dhe drejt fitimit të Kupës në sezonin 2020-21, por u largua në fund të sezonit që sapo u mbyll, edhe pse e çoi skuadrën sërish deri në finale të Kupës, ku skuadra shkodrane e mbrojti me sukses trofeun.
“Mezi po e pres këtë udhëtim të ri, që e shoh si një përvojë dhe një sfidë të re. Kjo nuk është hera e parë që punoj jashtë Gjermanisë dhe jam i ndërgjegjshëm për rrethanat, por jam gati për të nisur sa më parë punën me FC Çenaijin”, është shprehur Thomas Brdariç, për faqen zyrtare të klubit.