Që prej mbrëmjes së dielë, Edi Martini, është zyrtarisht trajner i ekipit të Trepçes. Ish futbollisti kampion me Vllazninë, por edhe me tre trofe në krye të Teutës së Durrësit, Kampion, Kupë dhe Superkurë, ka pranuar oferten e KF Trepça, i cili një ditë më parë mbylli bashkëpunimin me trajnerin e mëparshëm, Emin Baliqi, që pas humbjes me Istogun dha dorëhejen.
Njoftimi i KF Trepça
Zyrtare Edi Martini, trajneri i ri i KF Trepça
KF Trepça ka kënaqësinë të njoftojë arritjen e marrëveshjes me trajnerin Edi Martini, i cili do të marrë drejtimin e skuadrës sonë
Me një karrierë të pasur dhe një filozofi të lojës, Martini sjell përvojë, disiplinë dhe ambicie për një ekip të fortë dhe konkurrues
I urojmë mirëseardhje dhe suksese në këtë rrugëtim të ri
KF Trepça
Mitrovicë, [ 16.02.2025 ]