Në një moment historik me vështirësi të mëdha për Ukrainën, një buzëqeshje e vogël vjen nga futbolli: kombëtarja e verdheblu pushton Glasgoë dhe fiton shansin për të luajtur kundër Uellsit për një biletë për Kupën e Botës 2022 në Katar. Fitorja 3-1 ndaj Skocisë, me firmat e Yarmolenko, Yaremchuk dhe Dovbyk(për skocezët shënoi McGregor), i jep kombëtares së Petrakov mundësinë për të ëndërruar sërish: takimi të dielën në Cardiff.
Më e fortë se Skocia dhe gjithçka që po ndodh me popullsinë dhe territorin e saj. Në një ndeshje që duhej të ishte luajtur në mars, por e shtyrë për shkak të pushtimit rus, Ukraina kalon 3-1 në Glasgoë dhe vazhdon të ëndërrojë për një vend në Kupën e Botës Katar 2022: të dielën në orën 18:00 ndeshja e fundit, ajo kundër Uellsit.
Një fitore kjo, e cila, edhe pse në kushtet e vështira të luftës që Rusia po kryen ndaj Ukrainës, është ndjekur dhe përjetuar me shumë entuziasëm në territorin ukrainas duke dhënë një sinjal pozitiv sa i përket anës morale dhe shpirtërore të komunitetit të atjeshëm.
