Vllaznia-Juvenilja 87-38(17-7, 23-12, 28-3, 19-13)
Formacioni i Vllaznisë: Veton Gjeçaj, Yllson Dervishi, Sead Kopliku, Fisnik Sylo, Agron Bajama, Jonian Taflaj, Sidrid Pirani, Rajan Mbiarra, Klevis Guri, Valerio Gjelçaj, Auron Hoxhaj, Xhulio Murrizaj. Trajner: Roland Koka
Java e tretë e Kampionatit Kombëtar të Basketbollit për të rinjë ballafaqoi në pallatin e sportit ”Qazim Dervishi” të Shkodrës, Vllazninë vendase dhe Juveniljen, ekip ky i qytetit të Durrësit.
Ndeshja e luajtur mesditën e së dieles u dominua tërësisht nga skuadra shkodrane, e cila gjatë të gjithë ndeshjes ishte në avantazh të rezultatit. Kuqeblutë e drejtuar nga trajneri Roland Koka fituan periodën e parë me rezultatin 17-7 dhe më pas edhe perioden e dytë 23-12 duke e mbyllur pjesën e parë në avantazh 40 me 19. Basketbollistët e rinjë shkodranë vazhdojnë të kenë epërsi të plotë edhe në pjesën e dytë, minuta këto që tekniku Koka i dha hapësirën e duhur të gjithë basketbollistëve që ka në dispozicion.
Sidomos perioda e tretë paraqet një superioritet të theksuar të Vllaznisë, të cilën e fiton me rezultatin 28 me 3. Me fitore e mbyllë Vllaznia edhe periodën e katërt, këtë radhë 19-13, duke bërë që rezultatin i përgjithshëm i të gjithë ndeshjes të jetë 87 me 38.
Por, edhe pse me një fitore të thellë në shifra, trajnëri shkodran, Roland Kola nuk është shumë i kënaqur me skuadrën sa i përket cilësisë së lojës.
Në vijim të prononcimit të tij, trajneri Koka flet për marrëdhëniet me drejtuesit e klubit të basketbollit, prej të cilëve kërkon më tepër vemendje, qoftë në drejtim të bazës materiale, apo edhe të aspektit financiar.
