Një Turne Botëror i Tennisit për kategorinë U18, si ky i këtij sezoni “Shkodra Open 2025”, nuk kishte ndodhur më parë. 32 ekipe nga vende të ndryshme kanë sjellë mbi 120 tenistë, mes të cilëve edhe ato shqiptarë, të cilët po garojnë në mjediset komode të kompleksit sportiv “Adriatik Tennis Park” të Shkodrës.
Më herët, Veriu Sport përcolli intervisten me tenistin kinez, Jinxuan Cheng, i cili është për të dytin sezon me radhë në turneun ndërkombëtar të Shkodrës, ndërsa tani, kemi të bëjmë me një prononcim tjetër po aq interesant.
Behet fjalë për tenisten e talentuar britanike, Gabriela Pacheco-Lagoda dhe trajneri i saj Roberto Pacheco-Escobar, të cilët janë për herë të parë në qytetin verior të Shkodrës.
“Jemi shumë të lumtur me organizimin e aktivitetit, niveli i lojtarëve pjesëmarrës është shumë i mirë, gjithashtu edhe kompleksi i afron tenistëve kushteve mjaft të mira për lojë
Pasi ka kaluar me sukses ndeshjes e parë, tenistja britanike Gabriela Pacheco-Lagoda së bashku me trajnerin e saj Roberto Pacheco-Escobar, janë në pritje të fitoreve edhe në turet e tjera duke pasur objektiv fitoren e turneut për femra.
Në vijim të prononcimit për Veriu Sport, çifti britanik, bëjnë të ditur se konkurimi në Shkodër është për herë të parë, por nisur nga parametrat optimal të organizimit që konstatuan në mjediset e “Adriatik Tennis Park” të Shkodrës, premtojnë se do të vijnë patjetër edhe vcitin e ardhshëm dhe të tjerët në vazhdim.
(Video) Prononimin e plotë të çiftit britanik Gabriela Pacheco-Lagoda dhe Roberto Pacheco-Escobar, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU