Kuqeblutë vazhdojnë përgatitjet në qytetin e Shkodrës që prej pasdites së hënë, ndërkohë për të premten kanë prenotuar miqësoren e parë. Nga sa bëhet e ditur, kundërshtari është një skuadër e kategorisë së parë, Burreli, ndeshje kjo e planifikuar për t’u luajtur në stadiumin “Loro Boriçi” duke filluar nga ora 18.00.
Një miqësore kjo që pritet t’i shërbejë stafit teknik për të parë gjendjen e futbollistëve që kanë nën kontratë, por më së shumti edhe për dy futbollistët e ardhur për provë në gjirin e skuadrës kuqeblu, durrsakun Kristi Marku, si dhe kosovarin Albin Sadriaj.
