Volejboll Femra-Java e 9-të/Vllaznia mund kryesuesen Barleti Volej dhe jep sinjale për titull

Lexo

Brazilianët e Erzenit bashkë me Krasniqin: “Erzeni është ekip i fortë, nuk ishte e vështirë të kisha Balajn kundërshtar”

Skuadra shijakase fitoi 3-2 në “Niko Dovana” në përballjen e tretë në kampionat, duke marrë plot 7 pikë nga...

(Intervista) Trajnerët Colella dhe Tetova flasin pas ndeshjes Partizani 1-1 Egnatia

Partizani u ndal në një barazim 1-1 nga Egnatia, duke mos përfituar nga ai hap fals i Tiranës kundër...

I lumtur pas fitores, Kapllani: “Të ulim kokën dhe të festojmë sonte, të shohim për ndeshjet e radhës.”

Erzeni ia doli të marrë një fitore me shumë vlera kundër Vllaznisë me rezultatin 3-2. Kapllani u shpreh mjaft i...

Vllaznia-Barleti Volej ka qenë ndeshja më e rëndësishme e javës së nëntë të Kampionatit Kombëtar të volejbollit për femra. Ndeshja e luajtur mbrëmjen e së shtunës në pallatin e sportit “Qazim Dervishi” të Shkodrës është shoqëruar me rivalitet dhe luftë të fortë sportive.

Barleti Volej, skuadra kryesuese e tabelës së klasifikimit që drejtohet nga trajneri Artan Pogoni konsiderohej favorite përballë një Vllaznie me elementë të ri. Por, krejt ndryshe ka folur fusha e lojës kur skuadra kuqeblu e drejtuar nga trajnerja Nora Deda ka shpalosur një nivel mjaft të kënaqshëm.

Pas disa barazimeve radhazi, seti i parë fitohet nga volejbollistet shkodrane me rezultatin 25 me 22. Mikeshat nga Tirana të Barleti Volej kanë këmbëngulur shumë për të marrë setin e dytë dhe për ta barazuar rezultatin, por në fund është përsëri Vllaznia që fiton edhe setin e dytë me të njëjtat shifra si ato të setit të dytë, 25-22.

2 me 0 për Vllazninë, e cila tregohet mjaft autoritare në fushën e lojës dhe plot besim për ta mbyllur me sukses këtë ndeshje. Por, duhet pritur se në lojë është edhe seti i tretë, shansi i fundit për skuadrën mike për të tentuar rihapjen e ndeshjes. Luftë e fortë sportive, emocione dhe dramacitet, sidomos në pikët e fundit të setit, aty ku do të vendosej gjithçka. Barazimi 25 me 25 është pika kulminante e këtij seti dhe e gjithë ndeshjes. Për të vendosur fituesin kërkohen pikët shtesë dhe ato i realizon Vllaznia duke e fituar setin e tretë 27 me 25 dhe të gjithë ndeshjen me sete 3 me 0.

Fitore kjo e Vllaznisë që ka brenda patjetër edhe punën pasionante dhe mjaft profesionale që po bën me skuadrën trajnerja Nora Deda. Me vajza të reja, por të talentuara, profesoresh Nora po i jep kësaj Vllaznisë petkun e pretendentes.

Fitoret e javëve të mëparshme dhe tani stopimi që i bëri Barleti Volej,  skuadrës kryesuese të tabeles së klasifikimit është një sinjal i drejtpërdrejtë për kundërshtarët duke e zbukuruar edhe më tepër luftën dhe konkurencen për fitimin e titullit kampion.

 

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -