Skuadra e Baselit ka marrë një fitore të rëndësishme në ndeshjen e parë gjysmëfinale të Conference League duke mposhtur Fiorentinën me rezultat 2-1. Kontribut në fitoren e Baselit në Itali dha edhe Taulant Xhaka që asistoi në golin e parë të mysafirëve.
Braziliani Arthur Cabral shënoi për vendasit në minutën e 25-të. Basel nuk u dorëzua dhe në pjesën e dytë arriti të përmbys rezultatin duke shënuar dy gola. Xhaka asistoi në minutën e 71-të për Andy Dioufin. Zeki Amdouni në minutën e dytë të shtesës shënoi golin e fitores për gjysmëfinalen e parë. Dueli kthyes zhvillohet pas një jave në Zvicër.
