Zyrtarizohet dorëheqja e Suad Licit, administrator i KF Vllaznia emërohet Benjamin Nako

Lexo

(Video)Volejboll Meshkuj- Vllaznia humb në shtëpi me Partizanin, 0-3. Trajneri Kalaja, vlerëson elementin e ri(Liga Kombëtare “Gjergj Kastrioti”)

Vllaznia-Partizani 0-3(7-25, 18-25, 21-25)E mërkurë, 25 janar 2023, ora 18:30, Pallati i Sportit “Qazim Dervishi” ShkodërVllaznia: Nikolin Qafarena, Esmirald...

Mbrëmja Gala “Më të mirët 2022”. Nga Vllaznia e futbollit femra, tek Gurishta dhe Hakaj, në formacionin e vitit, Shkodra me përfaqësim dinjitoz për...

Futbolli shkodran, për femra dhe meshkuj, pritet të ketë një përfaqësim dinjitos në mbrëmjen gala që Federata Shqiptare e...

Që prej mbrëmjes të së mërkures administrator i Klubit të Futbollit Vllaznia është Benjamin Nako. Një lëvizje e tillë kishte ditë që përflitej, gjë të cilen e publikoi edhe VeriuSport, ndërkohë që zyrtarizimi i plotë i kësaj lëvizje të re ka ardhur mbrëmjen e së mërkures kur instancat përkatëse kanë miratuar kërkesen për dorëheqje të admistratorit të mëparshëm Suad Lici duke firmosur menjëherë për zëvendësuesin e tij, ish sportistin dhe pedagogun Benjamin Nako.

“KF Vllaznia bën të ditur se administratori i klubit, z. Suad Lici, ka kërkuar dorëheqjen nga ky pozicion për arsye të angazhimeve të tij personale. Këshilli Mbikëqyrës është njohur me kërkesën e z. Lici, e ka shqyrtuar dhe ka vendosur pranimin e saj. Në vazhdim, Këshilli Mbikëqyrës ka diskutuar për administratorin e ri të KF Vllaznia dhe ka vendosur emërimin e z. Benjamin Naku në këtë pozicion.”, thuhet në njoftimin zyrtar të Klubit të Futbollit Vllaznia.

Në vijim, po në faqen zyrtare të KF Vllaznia thuhet se administratori i ri, Z. Naku njihet për karrierën e suksesshme si sportist, por edhe si pedagog dhe drejtues i Departamentit të Edukimit Fizik e Sporteve, në Fakultetin e Shkencave të Edukimit pranë Universitetit të Shkodrës “Luigj Gurakuqi”.

Në mbyllje ka falenderime për ish administratorin dhe urim për pasuesin e tij. “Dëshirojmë të shprehim falenderimin tonë për punën e bërë nga z. Lici. Ai do të vazhdojë të japë kontributin e tij pranë KF Vllaznia, tashmë në pozicionin e Kordinatorit Teknik. Njëkohësisht i urojmë z. Benjamin Naku suksese në detyrën e re.”, citohet në njoftimin për shtyp të KF Vllaznia.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -