Boksieri shqiptar, Florian Marku është zyrtarisht kampion bote në peshat e mesme për federatën IBF. Kishte kohë që përgatitej për këtë ditë, dhe ia ka arritur në mënyrën më të mirë kur mbrëmjen e së shtunës ka sfiduar kundërshtarin e tij nga Ukraina, Maks Prodan.
Siç e kemi ndjekur mediatikisht, mes të cilave edhe në Veriu Sport, duelit zyrtar në ring i pati paraprirë një luftë e ashpër psikologjike mes dy boksierëve, madje deri edhe në konfrontime fizike, siç ishin ato në konferëncën e shtypit të pragndeshjes, apo edhe në testimin e peshimit.
Por, ringu i vertet ishte ky i mbrëmjes së sotme kur kampioni shqiptar Florian Marku tregoi në ringun e montuar të stadiumit të Tottenham Hotspur të mbushur plot me tifozë, forcën e tij duke qënë në superioritet pikësh në të 10 raundet e boksimit në ring. Në përfundim të ndeshjes, gjyqtaria deklaroi rezultatin zyrtar të ndeshje duke i dhënë fitoren me rezultatin 2 me 1 Markut.
Për 28 vjeçarin Florian Marku, fitorja e mbrëmjes së sotme është e nënta dhe 10 ndeshje që ai zhvillon për kategorinë e profesionistit të kësaj kategorie. Në këtë mënyrë, Florian Marku është zyrtarisht kampion i botës për peshat e mesme në kategorinë e federatës IBF, një arritje fantastike kjo për shqiptarin, që për të parën herë ia del të marrë një brez si kampion bote.
