Gazetari dhe komentatori sportiv, Kosta Grillo, i ndarë nga jeta dy ditë më parë në moshën 59 vjeçare, është përcjellë sot me respekt për në banesën e fundit. Në homazhet e organizuara në mjediset e stadiumit “Selman Stermasi” të kryeqytetit, ishin të pranishëm kolegë, miq, bashkëpunëtorë dhe të afërm të Kosta Grillos, autoritete shtetërorë, drejtues të mediave kombëtare, etj.
Nderimi dhe respekti për Kosta Grillon erdhi edhe nga Shkodra, qyteti që ai aq shumë e donte duke qënë një simpatizant i flaktë i Vllaznisë, të cilën e komentonte me aq passion në transmetimet televizive.
Në shenjë respekti për këtë figurë të medias sportive, gazetarë sportivë dhe tifozë të Vllaznisë, ishin të pranishëm sot në kryeqytet për t’i dhënë lamtumirën e fundit Kosta Grillos, trupi i të cilit më pas u transportua për Himarë për tu prehur pranë të afërme të familjes “Grillo”.
Lamtumirë Kosta, pushofsh në paqe!
