Ardhja e teknikut Mirel Josa në krye të Laçi ka dhënë efektin pozitiv. Kjo, pasi me përjashtim të ndalesës në Shkodër, kurbinasit kanë marrë rezultate shumë pozitive. Fitorja e radhës ishte kjo e sotmja për javën e 14-të të Abissnet Superiore, ku laçjanët sfiduan rrogozhinasit duke i mundur në shtëpinë e tyre me rezultatin 0 me 2.
Për këtë kanë menduar Zarubica dhe Guindo, që me dy golat e shënuar në pjesën e dytë, përkatësisht në minutat 75-të dhe 88-të, i dhanë fitoren Laçit. Tre pikë këto shumë të rëndësishme për Laçin që vazhdon të qëndrojë atyr mes katër skuadrave më të mira të kampionatit, tashmë në kuotën e 24 pikëve.
Ndërkohë, humbja e pësuar në shtëpi e rëndën jashtë mase situatën tek Egnatia, të cilët mbeten në kuotën e 11 pikëve duke u renditur të parafundit në tabelën e klasifikimit, vetëm një shkallë më lart se sa Kastrioti që mbyll renditjen në vendin e fundit.
