Armando Broja ka pësuar rritjen më të madhe të vlerës në treg. Sulmuesi i Kombëtares kuqezi për muajin dhjetor vlerësohet me 9 milionë euro në treg, sipas transfermarkt. Kalimi nga Chelsea në huazim te Southampton ka qenë i duhuri për 20 vjeçarin, që sheh në dy muaj një rritje të 3-fishtë.
3 milionë euro ishte vlera e Brojës para kalimit te Shenjtorët, ndërsa në pak muaj ia ka dalë të çojë katër herë topin në rrjetë në Premier League. Forma e mirë e tij ka gëzuar edhe Chelsea, që sheh sesi një nga “fidanët” e ekipit po hedh rrënjë në futbollin anglez.
Broja bëhet lojtari i pestë në Kombëtaren kuqezi me vlerë më të shtrenjtë në treg, duke lënë pas Strakoshën. Para tij janë Kumbulla, Gjimshiti, Hysaj dhe Bajrami.
Lista:
Marash Kumbulla – 22 Mil €
Berat Gjimshiti – 22 Mil €
Elseid Hysaj – 13 Mil €
Nedim Bajrami – 10 Mil €
Armando Broja – 9 Mil €
Thomas Strakosha – 7.5 Mil €
