Ndonëse është ndër klubet më të rinj të formuar në rajonin e Shkodrës, KF Shpresa në qytetin e Shkodrës ka formuar emrin e tij mjaft të respektuar në arenën e futbollit rajonal dhe atij kombëtar.
I drejtuar nga një figurë shumëplanëshe sportive si Ardit Mani, i liçensuar si trajner futbolli, por edhe si video-analist, mësues i edukimit fizik, dhe funksione të tjera shoqërore që kryen në shërbim të sportit, KF Shpresa ka kohë që funksionon në mënyrën më të mirë.
Ekipet e Klubit Shpresa u krijuan në vitin 2008. Mbas një pune 6 vjeçare me trajnerë të njohur si Nikoll Gjergji, Taip Piraniqi, Fatmir Paçrami, Sabah Bizi etj, dhe nga eksperienca e marrë nga këto profesorë të nderuar u krijua mundësia për krijimin e ekipit. Nga 2008 e deri tani ekipet kanë marrë pjesë rregullisht në kompeticionet e zhvilluara nga Zyra Rajonale dhe FSHF, duke qënë konkurues dhe fitues.
Rezultatet e sezonit 2020-2021 për KF Shpresa
Për sezonin 2021-2022, ekipet e KF Shpresa marrin pjesë në Ligën Amatore zona Shkodër. Ato janë, U-9 me trajner Armando Rrashketa, U-11 A me trajner Admir Mehja, U-11 B me trajner Ardit Mani, njëkohësisht edhe drejtor i klubit, dhe U-13 me trajner Ergys Mehja.
Viti 2020-2021 që po mbyllim ishte i mbushur me suksese për ekipet e KF Shpresa, pasi me U-9 me trajner Armando Rrashketa u shpall kampion dhe fitues kupe në Ligën Amatore Shkodër. Ekipi U-11 me traner Ardit Mani dhe Ergys Mehja u shpall Nënkampion dhe arriti në gjysëmfinale të Kupës. Ekipi U-13 vendi 3 në kampionat dhe vendi i 3-të në kupë. U-15 vendi 3 në kampionat dhe në kupë.
Përshëndetja e Drejtorit të Klubit, Ardit Mani
Në prononcimin e dhënë për Veriu Sport, trajneri dhe drejtori i klubit, Ardit Mani, kërkon të përcjell falenderimet dhe mirënjohjet për futbollistët dhe trajneret e këtij klubi, por edhe për ato që po e mbështesin këtë klub në ecurinë e tij “Përshendes lojtarët e ekipit tonë që tashmë luajnë me ekipin e Vllaznisë, Emanuel Vukaj dhe Xvetko Shurbani për U-15, Erik Lulaj, Peter Lulaj, Ares Jubica tek U-13 e FC Shkodra, si dhe të gjithë lojtarët e ekipit U-15 që sot luajnë në ekipet e ndryshme të qytetit tonë.
Dua të përshendes edhe trajnerët që kanë dhënë kontribut ndër vite pranë ekipeve tona Bledar Marshia, Alban Noga, Entri Çaku, Bujar Celufaj, Bled Çuliçi, Saimir Goga, Erion Mani, Antonio Marku, respekt për ju.
Falenderim shkon edhe për Sponsorat e ekipeve tona që na ndihmojnë dhe janë pjesë e pa ndarë me ne, si REXHA flex ( prodhim dysheku), Bar Restorant “Elita”, “GEALAN”, “DESA” Event, “Piceri ARLINDI”, “VLLEZERIT HOXHAJ”, etj. Faleminderit për suportin e treguar ndër vite.”, thekson drejtori i KF Shpresa në përshëndetjen e tij.
