Andi Lila ishte i ftuar mbrëmjen e djeshme në emisionin “Procesi Sportiv” ku ka kritikuar ekipin e Shehit për barazimin e fundit ndaj Vllaznisë. Më shumë sesa rezultati, theksi është vendosur te loja e ekipit shkodran që e dominoi kundërshtarin dhe e zhvilloi ndeshjen thuajse me një portë.
“Vllaznia e bëri Tiranën që të dukej e vogël. Nëse nuk do e dinim klasifikimin e Superiores, do të mendonim se Vllaznia është shumë pikë para Tiranës. Lojtarët e Tiranës nuk bën as tre pasime bashkë. Vllaznia kishte nivel të lartë nga ana e ritmit dhe për ta kampionati nuk ishte i ndërprerë me sa duket, me paraqitjen e tyre”, tha Lila.
