38 gola, me një ndeshje më pak, akoma të luajtur, ka prodhuar Java e 13-të e Kampionatit Kombëtar të futbollit të femrave. Vllaznia e drejtuar nga trajneri Nikolin Leka ka mundur këtë javë Tiranën AS me rezultatin 9-0 dhe vazhdon të kryesojë e vetme kampionatin. Kjo fitore e mban Vllazninë në vendin e parë skuadrën shkodrane, që në këtë sezon nuk numëron asnjë humbje, vetëm një barazim dhe 11 fitore.
Në ndjekje të skuadrës kuqeblu është vënë Apolonia, e cila nga ana e saj këtë javë ka fituar me shifra astronomike teksa ka mundur Skënderbeun me rezultatin 20 me 0.
Tirana me një tjetër fitore, kësaj radhe ndaj Lushnjes. Myzeqaret u mposhtën në kryeqytet me shifrat 7-0, teksa për bardheblutë ky trepikësh do të thotë ende shpresë për të luftuar për vendin e parë.
Për t’u theksuar është se kjo javë ka pasur edhe duelin e luajtur në Shkodër në mes Atletik Club dhe Murlanit që përbën derbin shkodran, i cili fitohet nga Murlani me rezultatin 1-2.
Ndeshjet e javës së 13-të:
Apolonia 20-0 Skënderbeu
Vllaznia 9-0 Tirana AS
Tirana 7-0 Lushnja
Atletik Club 0-2 Murlani
Kinostudio – Partizani (e shtyrë)
