Southampton-Newcastle është një nga sfidat e prapambetura të Premier League që do të luhet ditën e sotme. Ndeshja që ishte programuar për të luajtur në javën e 21-të të kampionatit angleze do të nisë në orën 20:30 dhe në fushë do të zbresë Armando Broja. Pas humbjes turpëruese 4-0 nga Aston Villa, Southampton do të kërkojë të rikthehet te fitoret dhe sot sfidojnë Newcastle që prej disa muajsh është blerë nga sheikët.
Si zakonisht nga minuta e parë do të luajë edhe Armando Broja. Sulmuesi i Kombëtares shqiptare është në formë mjaft të mirë dhe në këtë përballje ndaj një kundërshtari jo shumë të vështirë do të kërkojë të rikthehet te goli. Këtë sezon, Broja ka luajtur 28 ndeshje me fanellën e Southamton në të gjitha kompeticionet dhe ka shënuar 9 gola e ka dhënë një asist dhe sot ka një tjetër shans për të rritur akoma edhe më shumë kuotën e golave sezonal.
