Kukësi ka dalë me një njoftim për tifozët. Klubi verilindor ka ambicie të mëdha për sezonin e ardhshëm, ekipi i Skënder Gegës do t’i luajë ndeshjet shtëpiake në “Kukës Arena”, dhe normalisht që ka nevojë për mbështetjen e tifozëve.
Me anë të një postimi në faqen zyrtare, klubi kuksian bën të ditur se ka përgatitur dy modele të ndryshme abonimesh, ndërkohë që ka përcaktuar edhe çmimet e tyre.
Njoftimi zyrtar i klubit të Kukësit:
“FK Kukësi njofton të gjithë tifozët se gjatë sezonit 2022-2023, do të kenë mundësinë të pajisen me abone sezonale, për të ndjekur të gjitha ndeshjet në shtëpi të ekipit tonë.
Klubi ka vendosur në dispozicion të tifozëve 3 modele të ndryshme abonimesh, me çmime të ndryshme në varësi të tribunës se ku doni të abonoheni.
Abonimi Gold i cili do të jetë në dispozicion për tribunën VIP, do të kushtojë 40’000 lekë. Abonimi Silver do të kushtojë 20’000 lekë dhe lejon tifozët të ulen në tribunat qëndrore.
Tifozët e abonuar, do të mund të ndjekin të gjitha ndeshjet e Kukësit në shtëpi në Superiore dhe në Kupën e Shqipërisë.
Personat e interesuar për abonime, duhet të kontaktojnë në emailin e klubit: info@fk-kukesi.al”
